التهاب و احتقان سقف الحلق

السلام عليكم اخوانى الاعزاء و التى تعبت من كتر المضادات الحيوية و اصبحت اخشى من كل شئ

كلما تعرضت لتيار هوا او اى شئ اتعب جدا , لدرجة  انى اول امس و انا نائم قمت بازالة البطانية و انا نايم و التكييف شغال قمت فى الصباح تعبان جدا و الاعراض بتكون كالتالى :

 

1- قمت فى الصباح اشعر بالم و احتقان و اكلان فى سقف الحلق فى مؤخرة الفم و كان فوقها مخاط

 

احيانا بيحصل بقى ان بيكون بلغم و بلغم تقيل جدا لدرجة انه ممكن يكون عامل زى الطوب

 

فى الحالة التانية باخد مضاد حيوى و فى الحالة الاولى برضه باخد مضاد حيوى

 

و انا اسئلتى كالتالى :

1- ما وصف تلك الحالة هل هى جيوب انفية

2- هل المضاد الحيوى علاج لانى اخدت كتير و ما بحبش كل مرة اخد مضاد حيوى

3- ليه انا دائما بتأثر بتيارات البرد حتى لو فى مكان معايا ناس انا امرض و هم لا ( يعنى حتى بحاول انى احافظ قوى , اطلع من الحمام اقفل اى مصدر هوا , لا اخرج فى الهواء و شعرى مبلل .........)

4- اليوم التالى دلوقتى و بدأت احس ان داخل على احتقان فى الزور

و عليكم السلام و رحمة الله و بركاته

1- هذا إلتهاب جيوب أنفية مُزمن.

2- أحياناً يحتاج لأخذ المُضاد الحيوي المُناسب لمدة 6 أسابيع أو أكثر حسب الحالة.

3- تحتاج لتقييم حالة الجيوب الأنفية لديك بالأشعة و فحص الطبيب و الحاجز الأنفي (هل لديك إعوجاج)  و هل لديك لحميات أم لا و هل لديك حساسية من الجو, و من ثم العلاج المُناسب.

4- الأشخاص يختلفون في قوة مناعة الجسم و عندك أمور تُساعد على الإصابة بهذا الشيء و منها الإلتهاب المُزمن, يجب التغذية السليمة و الصحية (الخضار و الفاكهه الطازجة) مع الرياضة لتقوية مناعة الجسم.

5- إذا لم ينفع العلاج و كنت مُصاب بالإلتهاب الجيوب الأنفية المُزمن و بعد التقييم الصحيح, يُمكن عمل عملية تنظيف للجيوب الأنفية بالمنظار و توسعة فتحاتها, و تصحيح الحاجز الأنفي أو إزالة أية لحميات أو تضخم في الأنف.

دكتور خليل اليوسفي

 

السلام عليكم يادكتور

زى ما قولت لحضرتك قبل كده

بدأ الموضوع معايا باحتقان خفيف كده فى مؤخرة الانف , بالتحديد فى المنطقة اللى فوق سقف الحلق

و بعد كده بدأ يظهر احتقان فى الزور , اعتمدت على الوصفات المنزلية مثل الشاى و الليمون و هكذا و الحمد لله راح الاحتقان فى الزور

بس بدأ احتقان المنطقة اللى فى مؤخرة الانف بشدة اخد حبوب مضاد للهستامين 4 ايام كل يوم حبة فى المساء و فى مخاط بيطلع بس حاسس ان لسه المنطقة ملتهبة و فيها مخاط تانى و اللى بيطلع بيبقى لونه مائل للاصفر و الانف طبعا مسدودة و التنفس عن طريق الفم بالليل بقوم من النوم بحس انها ملتهبة

و بالنسبة للزور الاحتقان راح بس لسه فى بلغم بيطلع لونه اخضر

انا لم اذهب الى الطبيب لانى مش عايز اخد ادوية , انا الفترة اللى فاتت اخذت كمية مضادات حيوية كتيرة و انا عارف انها اكيد مضرة فبحاول على الاعتماد على الوصفات البديلة , على فكرة مافيش حرارة و لا دوخة و لا اى شئ