مشاكل بالرؤية

السلام عليكم و رحمة الله و بركاته

انا مشكلتي بدأت من بعد عملية الليزك الي صارلي تقريبا اربع اشهر مسويتها ... صرت اشوف الكلام على شاشة التلفزيون او الجوال او الكومبيوتر و كأنه له ظل يمتد لفوق و احيانا يكون بشكل واضح نسخة للكلام موجودة فوقه يعني كأني اشوف الكلمة منسوخه مرتين لكن بنسختها فقط يظهر الجزء العلوي من الكلمة و تحديدا الكلام الي بالون الأبيض و خلفه شاشة سوداء

و غير كذا لما اطلع بالسيارة اشوف من الشباك اللمبات حقت اعمدة الاضاءة لها نسخه واضحه لها لكن لما افتح شباك السيارة تزول النسخة

طبعا ما كنت اواجه هالمشكلة من قبل لما اكون بالسيارة!

و لما اناظر اسناني بالمرايا اشوف نسخه خيالية لهم من تحت و كأنها ظل !

علما انه كل فحوصاتي تشير انه القرنية سليمة و الشبكية و لله الحمد

فاش سبب هذي المشكلة؟ و اش الحل ؟

و هل فحص الشبكية الي يكون باضافة قطرات للعين قبل الفحص له علاقة بالمشكلة هذي؟ علما انه الفحص يؤثر على طبيعة الرؤيا بشكل مؤقت

الدكتور الي سوا لي العملية يؤكد بانه فحوصاتي سليمة و قرنيتي بعد الحمدلله

لكن المشكلة لازالت مستمرة و بسببها تأثرت نفسيتي جدا و تأذيت

تحياتي